Í júní 2017 voru settir upp þrír teljarar á reiðhjóla- og göngustígakerfi Reykjavíkurborgar. Er þetta hluti af fyrirhuguðum teljurum sem Reykjavíkurborg áætlar að setja upp. Með þessu móti verður hægt að fylgjast m.a. með því hvar og hvenær álagið er sem mest í þessu samgöngukerfi, jafnframt sem þær upplýsingar sem teljararnir gefa, nýtast sem gott hjálpartæki til frekari uppbyggingar innan borgarinnar.
Í maí 2017 var settur upp teljari við Gullfoss fyrir UST. Teljarinn telur alla þá sem ganga niður frá þjónustuhúsinu að stiganum niður að fossinum. Mælinum er ætlað að gefa upplýsingar um fjölda fólks við Gullfoss.
Í apríl 2017 var settur upp teljari í Dimmuborgum í Mývatnssveit fyrir UST. Teljarinn telur alla þá sem ganga inn um aðalhliðið niður í borgirnar. Mælinum er ætlað að gefa upplýsingar um fjölda fólks í Dimmuborgum.