Category: Uncategorized

Nú fyrir skömmu lauk starfsfólk TGJ við Húsakönnun í dreifbýli Blönduós. Náði könnunin til allra bygginga innan marka dreifbýlisins, sem byggðar voru árið 1950 eða fyrr og enn eru uppistandandi, – þ.e. samtals 49 bygginga á 17 bújörðum. Var aflað annars vegar upplýsinga um húsakost með vettvangsskoðun og viðræðum við ábúendur jarða, og hins vegar af mikilli yfirlegu yfir skjölum og prentuðum heimildum. Þessa ítarlegu Húsakönnun má sjá hér. Húsakönnun - dreifbýli Blönduósbæjar (Aðal)

Í dag var gengið frá sölu til sveitarfélaga innan Höfuðborgarsvæðisins á 19 teljurum og hraðaskynjurum á reiðhjóla- og göngustígakerfi Höfuðborgarsvæðisins. Er þetta í framhaldi af vinnu með sveitarfélögunum Garðabæ, Hafnarfirði, Kópavogsbæ, Reykjavík og Seltjarnarnesi við kortlagningu á fyrirhuguðum talningarstöðum fyrir teljara sem sveitarfélög ákváðu að setja upp  og samtengja sín á milli. Með þessu móti verður hægt að fylgjast m.a. með því hvar og hvenær álagið er sem mest í þessu samgöngukerfi, jafnframt sem þær upplýsingar sem teljararnir gefa, nýtast sem gott hjálpartæki til frekari uppbyggingar innan Höfuðborgarsvæðisins.    Áætluð verklok við uppsetningu er september 2018.

Í dag var settur upp fólksteljari hjá Þingeyraklausturskirkju í Austur Húnavatnssýslu. Er honum ætlað að telja alla þá er sækja kirkjuna og Klaustursstofu heim. Er þetta nauðsynlegt hjálpartæki við þá vinnu sem verið er að vinna vegna gerð deiliskipulags fyrir svæðið sem og fyrir sóknarnefnd kirkjunar til allrar skipulagningar fyrir svæðið í framtíðinni.