Teljari á Vestfirði
Vestfirðir koma inn á talningarkortið í sumar. Í byrjun júní verður settur upp teljari frá okkur í hinum fjölsótta Raggagarði í Súðavík sem ætlað er að telja umferð gesta sem um garðinn fara.
Teljarar við Goðafoss
Nú í maí verður settur upp fólksteljari við göngustíginn sem er vestan við Goðafoss á nýju og endurbættu svæði við fossinn. Fyrir er fólksteljari að austanverðu og verður því með þessum nýja teljara komin heilstæð rauntímatalning á þeim sem sækja þennan fallega foss heim.
Teljari á gönguleið við Vífilsstaðavatn – Garðabæ
Í febrúar sl. var settur teljari á gönguleið við Vífilsstaðavatn – Garðabæ. Er þessi einn af mörgum rauntímateljurum sem settir hafa verið upp hjá sveitafélögunum á höfuðborgarsvæðinu til að efla talningu á umferð göngu- og hjólreiðafólks.
Höfuðborgarsvæðið teljaravæðir göngu- og hjólreiðastígana hjá sér
Þessa dagana eru starfsmenn TGJ og Reykjavíkurborgar að leggja lokahönd á uppsetningu á 18 teljurum til talningar á umferð um valda reiðhjóla- og göngustíga víðsvegar á höfuðborgarsvæðinu. Samhliða því er komið fyrir hraðaskynjurum til að mæla hraða hjólreiðafólks um stígana og er það nýmæli að hraði reiðhjóla sé nú sérstaklega mældur kerfisbundið. En með vaxandi reiðhjólamenningu landans má skynja aukna hættu á að hraði reiðhjóla aukist almennt á reiðhjólastígum.
Reiðhjóla- og fólksteljari ásamt hraðaskynjara settur upp á stíginn við Eiðsgranda – Seltjarnarnesi
Í dag settu starfsmenn TGJ upp reiðhjóla- og fólksteljara á stíginn við Eiðsgranda fyrir Seltjarnarnesbæ ásamt hraðaskynjara fyrir reiðhjól. Er þetta verkefni í samvinnu við sveitarfélögin á Höfuðborgarsvæðinu og Vegagerðina sem TGJ vinnur að.
Teljari á gönguleið í Búrfellsgjá – Garðabæ.
Í dag bættist við enn einn fólksteljari á höfuðborgarsvæðið. Er hann staðsettur á gönguleið í Búrfellsgjá - Garðabæ. Er þessi einn af mörgum rauntímateljurum sem settir verða upp hjá sveitafélögunum á höfuðborgarsvæðinu til að efla talningu á umferð göngu- og hjólreiðafólks á næstu misserum.
Gengið frá kaupum við sveitarfélög innan Höfuðborgarsvæðisins á 19 teljurum og hraðaskynjurum á reiðhjóla- og göngustígakerfi Höfuðborgarsvæðisins.
Í dag var gengið frá sölu til sveitarfélaga innan Höfuðborgarsvæðisins á 19 teljurum og hraðaskynjurum á reiðhjóla- og göngustígakerfi Höfuðborgarsvæðisins. Er þetta í framhaldi af vinnu með sveitarfélögunum Garðabæ, Hafnarfirði, Kópavogsbæ, Reykjavík og Seltjarnarnesi við kortlagningu á fyrirhuguðum talningarstöðum fyrir teljara sem sveitarfélög ákváðu að setja upp og samtengja sín á milli. Með þessu móti verður hægt að fylgjast m.a. með því hvar og hvenær álagið er sem mest í þessu samgöngukerfi, jafnframt sem þær upplýsingar sem teljararnir gefa, nýtast sem gott hjálpartæki til frekari uppbyggingar innan Höfuðborgarsvæðisins. Áætluð verklok við uppsetningu er september 2018.
Teljari hjá Þingeyraklausturskirkju í Austur Húnavatnssýslu.
Í dag var settur upp fólksteljari hjá Þingeyraklausturskirkju í Austur Húnavatnssýslu. Er honum ætlað að telja alla þá er sækja kirkjuna og Klaustursstofu heim. Er þetta nauðsynlegt hjálpartæki við þá vinnu sem verið er að vinna vegna gerð deiliskipulags fyrir svæðið sem og fyrir sóknarnefnd kirkjunar til allrar skipulagningar fyrir svæðið í framtíðinni.
Fullkominn fólksteljari settur upp í Laugardalslaug
Í dag settu starfsmenn TGJ upp einn nákvæmasta fólksteljara sem í boði er í Laugardalslaug. Er þetta viðbót við þá teljara sem settir voru upp í vetur og er þessum ætlað að halda utan um alla þá er sækja laugina heim.
Fækkun ferðamanna á norðurlandi fyrir apríl 2018 í samanburði við sama tíma 2017 réttir sig af?
Í lok apríl sýndu teljarar samanburður milli ára fyrir aprílmánuð að fækkun ferðamanna hafði gengið heldur til baka á Norðausturlandi er leið á apríl og stóð í um 20% færri miðað við sama tíma og í fyrra.