Category: Uncategorized

Skammt er stórra högga á milli ... Páll er aftur mættur á RÚV eftir að hafa verið í útvarpsviðtali fyrr í vikunni. Núna í fréttunum, til að ræða notkun sýndarveruleika við rannsóknir á sálfræðilegum áhrifum byggðs umhverfis á fólk. Núna, eins og stundum áður, er sjón sögu ríkari. >http://www.ruv.is/spila/klippa/umhverfissalfraedi-og-honnun-husa

Í dag gerði TGJ samning um uppsetningar á teljurum á svæði Laugardalslaugar. Þetta eru teljarar til talningar á umferð fólks um svæði Laugardalslaugar.

Gamli bæjarhlutinn á Blönduósi (innan ár) á sér langa sögu, sem varðveitt er í gömlum húsakosti og heildstæðu svipmóti byggðarinnar. Fæstir þéttbýlisstaðir á Íslandi geta státað af slíkum bæjarkjarna og því er mikilvægt að varðveisla hans og uppbygging takist vel til. Slíkt gæti falið í sér fjölbreytt tækifæri fyrir íbúa á Blönduósi og styrkt bæjarfélagið í heild sinni. Nú er TGJ Teiknistofa að leggja loka hönd á tillögu og greinargerð til ráðherra um að gamli bæjarhlutinn á Blönduósi verði gerður að verndarsvæði í byggð að beiðni sveitarstjórn Blönduósbæjar. Þann 17. janúar sl. var að því tilefni haldinn seinni íbúafundur á vegum TGJ og sveitastjórnar með íbúum og öðrum hlutaðilum til að kynna drög að tillögu um verndarsvæði.